• Skip to primary navigation
  • Skip to main content
  • Skip to primary sidebar
  • Skip to footer

Isles of the Left

For socially just, egalitarian and greener Malta

Menu
  • Home
  • Manifesto
  • About
    • WHO WE ARE
    • CONTACT US
  • Magazine
    • LONG READ
    • CULTUREEverything you like to know about culture
    • ECONOMY
    • ENVIRONMENT
    • SOCIETY & POLITICS
    • EDUcation & OPPortunity
    • SEXUALITY & GENDER
    • TECHNOLOGY
    • HUMOUR
    • POETRYPoetry and essays
    • VOICES
  • Reading Lists
  • Podcasts
  • Facebook
  • Twitter
  • Instagram

Il-Poeżija Tieħu Xejra Oħra Erbgin Jum ta' Antoine Cassar

January 22, 2018 · Lara Calleja ·

L-Intimita’ Fil-Poeżija ta’ Antoine Cassar.

minn Lara Calleja

Illustrazzjoni ta’ Steven Scicluna

 

Għalkemm l-apprezzament lejn il-poeżija reġgħet qabdet ftit rittmu wara ħafna snin, xorta mhuwiex faċli li tkun meqjus bħala poeta stabilit f’Malta. Il-poeżija hija arti li ħafna drabi ma ġietx stmata kemm kien ħaqqha, u sabet ftit opportunitajiet fejn timraħ. Għaqdiet bħal Inizjamed u Għaqda tal-Malti taw iktar vuċi pubblika lill-kelma miktuba inġenerali, imma xorta għad fadal ħafna xogħol xi jsir fejn tidħol il-poeżija, u kif din tiġi ippreżentata lill-pubbliku.  Għaldaqstant, fit-tnedija ta’ Erbgħin Jum ta’ Antoine Cassar, il-poeżija ħadet xejra differenti.

L-ewwel darba li smajt lil Antoine Cassar jaqra x-xogħlijiet tiegħu kien fil-bidu tas-Sajf ta’ għaxar snin ilu, fi Ġnien il-Milorda l-Furjana.  Kienet it-tnedija tal-ġabra ta’ kitbiet Ħbula Stirati, mill-ħames awturi Ċali Grima, Mario Vella, Kevin Saliba, Alex Vella Gera u Antoine Cassar. Għalkemm oriġinarjament kont attendejt l-attivita’ biex nara lil Ċali Grima, l-impressjoni ta’ Antoine jaqra b’mod li jistiednek tisimgħu bi kmand solleni, ħalliet timbru f’moħħi. Issa li erġajt lura għal dawk ix-xogħlijiet ta’ Cassar wara diversi snin, il-kitbiet għalkemm personali, jinħassu jxeqilbu iktar lejn l-ambigwu, qishom dawra durella ma’ abiss li l-kruha tiegħu għadu biss logħba tal-ħsieb.

Sentejn wara, fl-2009, attendejt tnedija oħra ta’ Cassar bil-ktieb Passaport, fejn Antoine ħoloq lament wieħed lejn is-sitwazzjonijiet inġusti kollha li ġabu magħhom regoli stretti fl-immigrazzjoni mad-dinja kollha. Passaport, kif Antoine stess jgħid, huwa anti-passaport, cioe huwa dokument li ma jirrappreżenta l-ebda barrieri lil Immigrant u li jħallih jimraħ bla konfini. Finalment, Passaport huwa xewqa lejn umanita’ bla ġudizzji.

Fl-aħħar ġranet tal-2017 fi Studio Solipsis, fit-tnedija tal-ktieb tiegħu Erbgħin Jum, il-poeżija ta’ Antoine ħadet xejra ferm differenti. Fuq sfond mużikali minn Alex Vella Gera u Mark Abela (Żiżża), bi dwal baxxi u b’atmosfera personali, Antoine qara dawn il-passaġġi b’ intensita’ li ftit tara bħala fix-xena letterarja lokali.

Cassar qara l-versi tiegħu b’implorazzjoni, b’rabja, b’kilba u finalment b’assoluzzjoni lejn trawmi li tkaxkru miegħu sa minn eta żgħira. L-onesta’ mgħaqqda ma’ versi imdewwqa, għamlet din it-tnedija esperjenza spiritwali, u l-udjenza ssummat tiċċassa bla ma tħarrket.

Il-ktieb bil-ġabra ta’  poeżiji tieħu forma ta’ mixja bl-isem ta’ Erbgħin Jum. In-numru Erbgħin għandu diversi konnotazzjonijiet Bibliċi fejn ħafna drabi jirrappreżentaw mumenti ta’ sfidi, sawm u sagrifiċċji, fosthom l-istorja ta’ Ġesu li ġie ttantat fid-deżert għal Erbgħin Jum, jew l-ammont ta’ ġranet li qatta Mohammed  jitlob u jsum.

Erbgħin Jum huwa nfatti ktieb li jieħu forma ta’ mixja kontinwa – mixja bla direzzjoni, mixja mal-biżgħat, mal-iswed fil-moħħ u mal-fatati tal-passat.  Erbgħin Jum huwa ktieb qawwi u jħabbtek wiċċ imb wiċċ ma’ ħafna rakkonti personali ta’ trawmi, dippressjoni u tfittxija ta’ maħfra lejn missier li d-delli tiegħu segwewh tul ħajtu.

Finalment, Erbgħin Jum hija mixja li ftit ftit qed twassal lill-poeta għal fejqan u maħfra miegħu nnifsu.

 

Biż-żmien kollox jagħqad u kollox joqgħod,

Pass wara pass id-demm jinża’ mit-toqol,

Mill-bosk hemm arja ġdida dejjem ħierġa,

Anka għal din il-qalb li romlot, li romlot

 

Lara Calleja was active with Moviment Graffitti and with the newspaper Ir-Realta’, where she stood for the re-evaluation of laws on censorship in Malta. Juggling between a full time job, a photoblog called Shooting Malta, scribbling stories in Maltese, she tries to invest further time in activism. She believes that activism instigates a solid sense of awareness which empowers the masses.

 

Read More!

Tagged With: Erbgin Jum, poetry

The IotL Magazine

stands for a socially just, egalitarian and greener Malta.

View all posts

While we have you...

...We have a high opinion of our readers and thus post no clickbait. If you like what you read here, kindly help us to protect our content from the bias of social media filters. Not to miss any of our posts, hover over the button "Following" on our Facebook page and check "See first", "Notifications - All On". That way we will always feature on your timeline.

Thank you!

Primary Sidebar

    POPULAR ARTICLES

  • Promise & Betrayal: A Former American University of Malta Lecturer Speaks Out
    May 31, 2018
    By Former lecturer at AUM
    We were given time-consuming tasks to complete over the holidays, including the organization of Spring’s student orientation. Little did we...
  • Ħamalli And Non-Ħamalli: A Tale Of Two Public Spheres
    December 12, 2017
    By Bernard Cauchi | 2 Comments
    Why we dismiss experiences of people whose tastes and behavior do not fit the accepted norms. (more…)
  • Parenting Dilemmas: State or Private Schools?
    May 30, 2018
    By Rita M. | 11 Comments
    Here, for the record, I will spell out what nobody in this country seems even remotely willing to mention: how...
  • What Does it Mean to Be a Foreigner in Malta?
    April 12, 2018
    By Raisa Galea | 5 Comments
    Although they are uniformly referred to as “foreigners”, foreign nationals receive contrasting treatment, depending on their social status and nationality....
  • The Not-So-Maltese Cross
    January 17, 2018
    By Michael Grech | 2 Comments
    How the emblem of debauched foreign aristocracy became the ultimate symbol of Maltese identity. (more…)
My Tweets

 Essential  Read:           

Racist Rants, ‘Authentic Emotions’ and Fake News

Kathrin Schödel

 Get Our Top Stories
 Right in Your Inbox 
 

 Our  Friends: 

Footer

WE ARE:

-.. . -.. .. -.-. .- – . -.. / .- -. -.. / . -. – …. ..- … .. .- … – .. -.-.

Raisa
Galea
Michael
Grech
Francois
Zammit
Kurt
Borg
Josephine
Burden
Rachael
Scicluna
Daiva
Repečkaitė
Joseph
Abela
Martin
Galea
Abigail
Muscat
Bernard
Cauchi
Alicia
Said
Maria
Theuma

WE FOLLOW:

WE DISCUSS:

Bluefin tuna work disability power mobility transfeminism exploitation algorithms privacy sea rescue wellbeing electoral system abortion link tax automation MDA Big Data intelligence migrants financial services tax avoidance artisanal fisheries poetry freedom of movement iGaming

For a socially just, egalitarian and greener Malta © 2023 · Log in

Privacy & Cookies: This site uses cookies. By continuing to use this website, you agree to their use.
To find out more, including how to control cookies, see here: Cookie Policy
 

Loading Comments...
 

You must be logged in to post a comment.